Runar Gudnason
Regissør: Eg har ord
Runar Gudnason er ein norsk rappar, tekstforfattar og regissør, kjend som frontfigur og låtskrivar i rappgruppa Side Brok og under aliaset Sirkel Sag.
I tillegg til musikken har Gudnason erfaring frå teater, til dømes som omsetjar og gjendiktar for Det Norske Teatret, der han har gjendikta den kritikarroste norske musikalversjonen av Roald Dahls Charlie og sjokoladefabrikken (2019) og Into the woods (2022). Tidlegare har han regissert dokumentarfilmen CPH Remix (2005) saman med Ulrik Gutkin i Danmark. Eg har ord er regidebuten hans på eiga hand.